Hari jum’at tu kato banyak uwong hari yang baek, yo dak? Hari jum’at Nabi Adam turun ke bumi, di hari Jum’at jugo kiamat terjadi. Di hari jum’at kito sebagai umat Islam diwajibke untuk melaksanakan sholat Jum’at, kito diwajibke ninggalke segalo aktivitas kito, berkumpul di masjid utuk ngelakuke sholat Jum’at,
Nah di jum’at ini aku cak biaso sholat Jum’at di masjid Uswatun Hasanah (baguskan namonyo) di komplek pondok jaya. Aku dateng jam 12 pas Adzan dikumandangke. Lau khotib naik mimbar dan ceramah, paas ceramah aku jingok a
do budak lagi megang hape, “oh mungkin dio lagi nyilentke hapenyo (apolah cubo nyilent)” pikir aku. Tapi lamo dio bekutik dengan hapenyo tuh, kalo nyingokkenyo dio ni maba* STAN caknyo (soalnyo rambutnyo pendek plus maseh mudo budaknyo) “ai maen hape budak nih, ckckckck budak jaman sekarang” tp mungkin jugo dio lagi googling ceramah kali, yo dak? Aih ado – ado be budak nih. Tapi sudem tu dak kuperatike lagi, laju dak konsen dengan isi ceramah aku ni.
Pas khotib selesai mbacoke ceramah, seluruh jemaah siap-siap nak sholat, nah di deket aku nih ado budak kecik jakarta lagi bemaen-maen, ckckckckm padahal itu la nak sholat lho. Nah pas dio bekejeran aku tedenger “hoi..ANJ*NG lo.” Buseeeet..... la cak itu pulok budak ini, ckckckck ado-ado be budak jakarta nih....
Dak cuman sampe sini be keanehan hari ini, pas lagi iftidal di rakaat keduo, hape satapam di depan aku bunyi, mano keras lagunyo lagu dangdut pulok (khas bapak-bapak satpam hehehehe). Pas selesai sholat baru pacak dimatikenyo, aih laju dak khusyuklah sholat nih.....
Aihhhh, aneh-aneh be Jum’at ini.
